Archive for July, 2007

ԹԱԼԱՆԻ ՄԱՍԻՆ ՆՈՐ ԵՆ ՀԻՇԵԼ

(Աղբյուրը՝ «Առավոտ»

Հեղինակ՝ Գագիկ Շամշյան)

 

Ուշացած պայքար «արդարության համար»

Օրերս ՀՀ գլխավոր դատախազությունը հաղորդագրություն էր տարածել, ըստ որի՝ Լոռու մարզի Վանաձոր-Ալավերդի ավտոճանապարհի 16-րդ կմ հատվածում գտնվող Վանաձորի կեղտաջրերի մաքրման կայանում տեղի ունեցած առանձնապես խոշոր չափերի հասնող գողությունների փաստի առիթով Լոռու մարզի դատախազությունում հարուցվել է քրեական գործ: Թալանը կատարվել է ոչ թե նոր, այլ անցած մի քանի տարիների ընթացքում: Գողության փաստի մասին դատախազությանը հաղորդագրություն է տվել Վանաձորի քաղաքապետ, ՀՀԿ անդամ Սամվել Դարբինյանը: Կարելի է միայն կռահել, թե ինչու է նա որոշել հանցագործության վերաբերյալ հենց հիմա դիմել դատախազությանը:

«Առավոտի» տեղեկություններով, նշված մաքրման կայանի տարածքը 24 հեկտար է: Մեր այցելության պահին նշված տարածքը ցանկապատված չէր, մուտքը ազատ էր, չկային անգամ հսկիչ անցակետեր: Լոռու մարզի մեր աղբյուրները տեղեկացնում են, որ գողոնը կազմում է մոտ 247 միլիոն դրամ: Լոռու մարզի դատախազությունը պնդում է, որ նշված տարածքից անհայտ պայմաններում անհայտացել է նաեւ բետոնախառնիչը, սակայն, մեր տեղեկություններով, բետոնախառնիչը ոչ թե անհայտացել կամ գողացվել է, այլ գտնվում է Վանաձորի քաղաքապետի եղբոր՝ Սեյրան Դարբինյանի «Արգիշտի» ՍՊԸ-ում, որտեղ ի պահ է հանձնվել այն, ինչի մասին տեղյակ է եղել նաեւ Լոռու նախկին մարզպետ Հենրիկ Քոչինյանը, Վանաձորի քաղաքապետը եւ նույնիսկ՝ Ամենայն Հայոց կաթողիկոս Գարեգին Բ-ն: Բանն այն է, որ երբ Վանաձորում կառուցվելիս է եղել Սբ. Գրիգոր Լուսավորիչ եկեղեցին, որը շահագործման է հանձնվել 2005թ.-ին, հանդիպել են Լոռու մարզպետը, քաղաքապետը եւ կաթողիկոսը: Նրանք քննարկել են բետոնախառնիչի հարցը, որի կարիքն զգացվում էր շինարարության ժամանակ: Մարզպետ Քոչինյանին ավելի վաղ տեղեկացրել էին Վանաձորի կեղտաջրերի մաքրման կայանում գտնվող բետոնախառնիչի մասին: Նա այս մասին ասում է կաթողիկոսին, եւ որոշում են բետոնախառնիչը մաքրման կայանից տեղափոխել եւ կատարել շինարարական աշխատանքները: Տեղափոխման գործը հանձնարարվում է քաղաքապետի եղբորը, այսինքն՝ «Արգիշտի» ՍՊԸ-ին: Աշխատանքները կատարելուց հետո «Արգիշտի» ՍՊԸ-ն անբարեխիղճ է գտնվում եւ բետոնախառնիչը չի վերադարձնում իր օրինական վայր՝ կեղտաջրերի մաքրման կայան:

Օրերս մենք այցելեցինք մաքրման կայան եւ ականատեսը եղանք այնտեղից կատարված գողության. կայանից դուրս էին բերվել արմատուրաներ, պանելներ: «Առավոտի» հետ զրույցում վանաձորցիները ասում էին, որ այդտեղից գողությունները հիմնականում կատարել են Վանաձորում ծառայող զինվորները՝ բանակային կորպուսի որոշ ղեկավար անձանց հրահանգով: Վանաձորցիները նաեւ նշում էին ՊՆ բարձրաստիճան սպաներ, գեներալներ Լեւոն Երանոսյանի եւ Արշալույս Փայտյանի անունները՝ նշելով, որ հենց նրանց գիտությամբ է արվել թալանը, նրանք չեն կանխել այն: Ի դեպ, կայանում մեր եղած ժամանակ էլ տարածքում էր պաշտպանության նախարարության՝ «Վիլիս» մակնիշի «ՊՆ 0806 Մ» պետհամարանիշով մի մեքենա՝ զինվորական համազգեստավոր երեք ուղեւորներով:

Երբ հիշյալ տարածքը կառավարության 2005թ. փետրվարի 3-ի թիվ 176-Ա որոշմամբ տրվել էր Վանաձորի քաղաքապետարանին, այստեղի աշխատակիցները ընդունման ժամանակ կայանը հայտնաբերել էին ամբողջովին թալանված: Նույնիսկ լուսանկարել են թալանված կայանը: Օրերս գլխավոր դատախազություն նյութեր են ուղարկվել նաեւ Վանաձորի դատախազությունից, որտեղ տեղի ունեցած թալանի ժամանակ դատախազի տեղակալը Ալբերտ Ղազարյանն էր, որի կնոջ եղբայրը՝ Գագիկ Հովսեփյանը, Վանաձորի քաղաքապետի վերջին ընտրություններում առաջադրվել էր քաղաքապետի թեկնածու եւ ջախջախիչ պարտություն կրել գործող քաղաքապետ Սամվել Դարբինյանից: Կարճ ասած, այն ժամանակ Ալբերտ Ղազարյանի «թուրը չէր կտրել» պատասխանատվության կանչել թալանի մասնակիցներին: Հիմա նրա թուրը կտրում է՝ նա արդեն Վանաձորի դատախազն է եւ հիշել է, որ երկար տարիներ մաքրման կայանը թալանվել է, ընդ որում՝ նաեւ այն ժամանակ, երբ նա դատախազի տեղակալ էր:

Ինչ վերաբերում է քաղաքապետ Ս. Դարբինյանին եւ ՀՀ գլխավոր դատախազությանը ներկայացրած նրա հաղորդմանը, ապա վանաձորցիների ասելով, նա, ըստ ամենայնի, զգացել է Վանաձորի դատախազության կողմից կախված հնարավոր վտանգը եւ ինքն է նախահարձակ եղել: Քաղաքապետը անցած ուրբաթ եղել է Երեւանում՝ ՀՀ գլխավոր դատախազությունում հարուցված քրգործի շրջանակներում բացատրություններ տալու նպատակով: Ըստ մեր տեղեկությունների, նա նաեւ այսօր է հրավիրվել դատախազություն: Վանաձորում կարծիքներ կան, թե հարուցված քրգործը կարող է ավարտվել նրանով, որ «թալանչիներին», իսկ կոնկրետ դեպքում, ըստ Վանաձորի դատախազության՝ քաղաքապետի եղբորը, կստիպեն փոխհատուցել պետությանը պատճառված նյութական վնասն ու վերջ:

Leave a comment

ՀՀ Գեղարքունիքի մարզի Սեւանա լճի ափին առագաստային մարզաձեւերի սպորտային բազայի շինարարություն եւ կահավորում

Արժեք 814 288,77 USD
Հովանավոր(ներ) Հայաստանի Հանրապետություն

Սկիզբ
Ավարտ 2007
Ստատուս Ավարտված

Ծրագրի մասին

Leave a comment

Construction and furnishing of the Sailing school

Construction and furnishing of the Sailing school
start date: 
end date: 2007
status: Completed
cost: 814 288,77 USD
donor(s)/sponsor(s): Republic of Armenia 

Background:

Leave a comment

Սեւանը կհյուրընկալի առագաստային սպորտաձեւերի սիրահարներին

(Աղբյուր՝ «Հայաստան» համահայկական հիմնադրամ)

Հուլիսի 21-ին Սեւանա լճի ափին բացվեց «Առագաստային մարզաձեւերի սպորտային բազա» եւ Վինդսերֆինգի ուսումնական ակումբ, ինչը մեծ առաջնըթաց է Հայաստանի սպորտային կյանքի համար եւ մեծ նվեր է ջրային սպորտաձեւերի սիրահարների համար:

Հուլիսի 21-ին Սեւանա լճի ափին բացվեց «Առագաստային
մարզաձեւերի սպորտային բազա» եւ Վինդսերֆինգի ուսումնական ակումբ, ինչը մեծ առաջնըթաց է Հայաստանի սպորտային կյանքի համար եւ մեծ նվեր է ջրային սպորտաձեւերի սիրահարների համար:

«Հայաստան» համահայկական հիմնադրամի միջոցներով ձեռք է բերվել մոտ 40 առագաստ եւ առագաստային տախտակ, համապատասխան հագուստ, հիմնական շենքի, հարակից օժանդակ շինությունների, սպորտային հրապարակների կառուցման, տարածքի բարեկարգման եւ գույքի ձեռքբերման համար տրամադրվել է մոտ 320 միլիոն դրամ: Ակումբի պահպանման, միջոցառումների անցկացման եւ ուսուցման համար հատկացումներ կարվեն պետբյուժեից:

Սպորտային բազայի համար ընտրվել Սեւանի հյուսիս-արեւմտյան ափը, որտեղ մշտապես նպաստավոր քամի կա: Վարձակալվող հողատարածքի մակերեսը հաշվարկված է ալիքի ազդեցության գոտուց վերեւ ընկած հատվածում եւ կազմում է 0,425 հա: Սպորտային բազան ամբողջական համալիր է. բազայի առաջին հարկում կառուցվել է պահեստ, մարզիչների սենյակ, ճաշարան, հանդերձարան, կաթսայատուն, բազայի տարածքում նախատեսվում են հանգստի համար փայտյա զրուցարաններ, լողափին` դիտաշտարակ եւ այլն: Կենտրոնում գործում է նաեւ կենցաղային հոսքաջրերի գերմանական արտադրության կենսաբանական մաքրման կայան, որն այսօր միակն է Սեւանի ավազանում:

2005 թվականից Հայաստանում գործող Վինդսերֆինգի հայկական ազգային ֆեդերացիայի նախագահ Արա Թամանյանը ուրախությամբ նշում է, որ այս ամենի արդյունքում մեր երկրում կմեծանա ջրային սպորտաձեւերի նկատմամբ հետաքրքրությունը: Ի դեպ, նոր կենտրոնում արդեն սովորում է 60 հոգի, ուսուցումը կատարվում է անվճար եւ չկա որեւէ տարիքային սահմանափակում. կարող են զբաղվել բոլորը` սկսած 7 տարեկանից:

Ակումբի բացման հանդիսավոր արարողությանը ներկա էին ՀՀ նախագահ Ռոբերտ Քոչարյանը, բարձրաստիճան պաշտոնյաներ, «Հայաստան» համահայկական հիմնադրամի տնօրեն Վահե Աղաբեկյանցը, ինչպես նաեւ օլիմպիական այս մարզաձեւի բազմաթիվ սիրահարներ ու զբոսաշրջիկներ:

««Հայաստան» համահայկական հիմնադրամը Հայաստանի կառավարության գործընկերն է ենթակառուցվածքների զարգացման ոլորտում: Այս ծրագրով եւս մենք զարգացնում ենք տնտեսական եւ սոցիալական ենթակառուցվածքներ: «Հայաստան» հիմնադրամը շնորհավորում է այս սպորտային համալիրի բացման առիթով: Ուրախալի է, որ ի թիվս բազմաթիվ այցելուների ու զբոսաշրջիկների, Սեւանն այսուհետեւ կհյուրընկալի նաեւ առագաստային սպորտաձեւերի սիրահարներին», – նշում է «Հայաստան» համահայկական հիմնադրամի գործադիր տնօրեն Վահե Աղաբեկյանցը:

Leave a comment

ՀՀ նախագահը Սևանում բացեց հանրապետությունում առաջին՝ վինդսերֆինգի կենտրոնը

(Աղբյուր՝ «Նովոստի-Արմենիա» միջազգային տեղեկատվության գործակալություն)

 

ԵՐԵՎԱՆ, 21 հուլիսի, /Նովոստի-Արմենիա/. ՀՀ նախագահ Ռոբերտ Քոչարյանը շաբաթ օրը Սևանա լճի ափին բացեց հանրապետությունում առաջին՝ վինդսերֆինգի կենտրոնը։

Ինչպես կենտրոնի բացման արարողության ժամանակ հայտարարեց Ռոբերտ Քոչարյանը, հանրապետության ջրային մարզաձևերի սիրահարները վերջապես հրաշալի ակումբ ստացան Սևանա լճի ափին։

«Արդեն վաղուց, գրեթե ուսանողական տարիներից, ես այսքան շատ առագաստներ չեմ տեսել Սևանա լճի վրա։ Մենք վինդսերֆինգը վերածնում ենք Հայաստանում և փորձում ենք բարենպաստ պայմաններ ստեղծել առագաստային սպորտի զարգացման համար», – ասաց նախագահը, որը վինդսերֆինգի և առագաստային սպորտի մեծ սիրահար է։

ՀՀ սպորտի և երիտասարդության հարցերի նախարար Արմեն Գրիգորյանի խոսքերով, Սևանա լճի ափին նման կենտրոնի բացումը խթան կհանդիսանա՝ Հայաստանում ջրային մարզաձևերի զարգացման համար։

Նախարարը լրագրողներին տեղեկացրեց, որ վինդսերֆինգի կենտրոնի կառուցման ծախսերն իր վրա է վերցրել «Հայաստան» համահայկական հիմնադրամը, իսկ կենտրոնի շահագործման ծախսերը՝ ՀՀ սպորտի նախարարությունը։

«Արդյունքում, Հայաստանում հայտնվեց նման կենտրոն, որն ունի լավ նյութա-տեխնիկական բազա և մարզագույք», – ասաց նա, ավելացնելով, որ կենտրոնում մարզումներն արդեն սկսվել են։

Գրիգորյանը հայտնեց, որ վինդսերֆինգի կենտրոնում ուսուցումը լիովին անվճար է լինելու, բոլոր ծախսերը ծածկելու է ՀՀ սպորտի նախարարությունը։

Վինդսերֆինգի սևանյան կենտրոնի տնօրեն Մհեր Թովմասյանը լրագրողներին հայտնեց, որ ներկայումս կենտրոնում մարզվում է 7-ից 18 տարեկան 60 երեխա։

Հետագայում, ինչպես նշեց տնօրենը, կենտրոնի սաները կարող են մասնակցել միջազգային առաջնությունների և մրցանակային տեղեր շահել։

«Ներկայումս կենտրոնն ունի սերֆինգի և առագաստի 40 տախտակ՝ նախատեսված տարբեր տարիքային խմբերի և տարբեր ուժգնության քամու համար», – ավելացրեց նա։

Վինդսերֆինգի կենտրոնի կառուցման և տեխնիկական հագեցման համար «Հայաստան» համահայկական հիմնադրամը տրամադրել էր 257 մլն. դրամ (մոտ $767 հազ.), շինարարությունը սկսվել էր 2006թ. նոյեմբերին։

Leave a comment

Հայելի ակումբի հյուրերն են ՀՅԴ կուսակցության անդամ Արծվիկ Մինասյանը և Ժառանգություն կուսակցության անդամ Արմեն Մարտիրոսյանը:

(Աղբյուր՝ «Հայելի» ակումբ)

Թեման` օրենք և իրավունք:

Վարող-Պարոն Մինասյան, դուք աշխատել եք Կառավարությունում, ըստ ձեզ իրավունքի հաստատումը որտե՞ղից պետք է սկսվի:

Արծվիկ Մինասյան /ՀՅԴ կուսակցության անդամ/
Նախ պետք է նշեմ, որ հարցադրումը շատ ճիշտ կատարեցիք, որովհետև շատ հաճախ են խառնում օրենքի իշխանությունն իրավունքի իշխանության հետ: Այս առումով շատ կարևոր է մեր երկրի սահմանադրությամբ ամրագրված հիմնական նորմը, համաձայն որի երկրում իշխանությունը պատկանում է ժողովրդին: Սա նշանակում է, որ ժողովուրդն է իրավունք, օրենք տվող աղբյուրը: Թերևս վերջինս իր ամբողջական կազմով անընդհատ չի կարող այս պրոցեսներին մասնակցել: Այդ իսկ պատճառով էլ գոյություն ունի ընտրական համակարգ, որի արդյունքում ձևավորվում են իշխանություն իրականացնող մարմիններ: Վերջիններից են առաջնային մանդատով օժտված Ազգային ժողովը` օրենսդիր մարմինը և երկրի նախագահը` որպես պետական կառավարման համակարգում համաչափություն և հավասարակշռություն ապահովող գործոն: Մեր երկրում իշխանության տարանջատումը երեք հիմնական ուղղության ունեցել է իր զարգացման փուլերը: Բարեփոխված սահմանադրության պայմաններում հավասարակշռության ու բաժանման սկզբունքի ամբողջությամբ պահպանումը պարզապես անհրաժեշտություն է, հետևաբար, իշխանության յուրաքանչյուր մարմին պարտավորված է ապահովել իրավունքի հաստատումն ու իր լիազորությունների սահմաններով դրա իրացումը: Համենայն դեպս, Ազգային ժողովը պետք է կարողանա նոր, իրական կյանքում առարկայանալ, իսկ հակառակ դեպքում հնարավոր չէ իրավական երկիր ունենալ: Երկրորդ կարևոր խնդիրն այն է, որ օրենքները պետք է իրենց մեջ արտացոլեն Հայաստանի հանրապետության քաղաքացիների իրավահավասարության սկզբունքը, որը բացառում է խտրականությունը յուրաքանչյուր հարցում:Թերևս Ազգային ժողովը պետք է իրականացնի իր վերահսկողական ֆունկցիան: Ոչ պակաս կարևոր է նաև Կառավարության դերը, որն ի դեպ, իր ծրագիրը ներկայացնելու է Ազգային ժողով` առաջնային մանդատ ունեցող մարմին, և հաշվետու է լինելու վերջինիս: Այդ իսկ պատճառով Ազգային ժողովի դերը պետք է այնքանով բարձրանա, որ կարողանա պահանջել հաշվետվություն,  ժամանակին նկատել դրա թերությունները, բացթողումները և այդպիսով հանրության առջև բացի ճշմարիտ ուղին:

Արմեն Մարտիրոսյան / “Ժառանգություն” կուսակցության անդամ /
Ես լիովին համաձայն եմ Պարոն Մինասյանի հետ, սակայն մեկ լրացում ունեմ. իրավունքն ու օրենքը միայն ժողովրդից չպետք է բխի, այստեղ կարևոր դերակատարություն ունի նաև վստահության քվեն: Համենայն դեպս, մեր երկրում իրավուք և օրենք կլինեն այն ժամանակ, երբ վստահությամբ տրված քվեն կհամապատասխանի խորհրդարանում արտացոլվող իրավիճակին: Երբ այս ամենը կատարվի ըստ ընթացակարգերի, սահմանադրության և օրենքների, այդ ժամանակ էլ կխոսենք իրավունքների, օրենքների մասին: Նշեմ, որ Հայաստանի հանրապետության օրենքները մշակված են միջինից էլ բարձր մակարդկով, սակայն այն հակասում  է դրանց  կիրառման դաշտում կատարման մեխանիզմին: Դեռևս երեք օր առաջ “Ժառանգություն” կուսակցության պատգամավորների ակտիվ միջամտությամբ կասեցվեց Պուշկին-Եկմալյան փողոցների խաչմերուկում տեղակայված կանաչ տարածքի վայրագ ոչնչացումը: Ըստ էության Կառավարության կողմից համահայկական հիմնադրամին հողահատկացում է տեղի ունեցել, որն էլ այն վաճառել է որևէ ֆիզիկական անձի: Սա արգելված է, քանի որ չի կատարվել օրենքի սահմաններում: Բացի այդ,  շատերի կողմից կոպիտ ձևով ոտնահարվել են բազմաթիվ օրինագծեր, օրենքներ, Կառավարության որոշումներ, որոնք մինչ օրս մնացել են անպատիժ: Մեր երկրի իշխանությունների դիրքորոշումը ոչ թե խնդիրն անձնավորելու կողմն է, այլ համակարգային փոխությունների: Սակայն, եթե խախտումների դիմաց պատիժներ չկիրառվեն, ապա այդ փոփոխություններն այդպես էլ թղթի վրա կմնան և երբեք իրականություն չեն դառնա:

Վարող- Այսինքն` ձեզ համար առաջնայինը օրենքի կիրառու՞մն է: Եվ, նկատի ունենալով նշված դեպքը, համամի՞տ եք, որ շատ պարագաներում այն չի կիրառվում:

Արծվիկ Մինասյան /ՀՅԴ կուսակցության անդամ/
Իրավական և օրինական երկիր ունենալու համար նախ և առաջ պետք է օրենքի կիրառումը  պատշաճ ձևով կատարվի: Չնայած բոլորս պետք է գիտակցենք, որ եթե օրենքը միշտ պատշաճ կերպով կիրառվեր, իշխանության մյուս մարմիները` սկսած դատական համակարգից մինչև սահմանադրականը,  ի՞նչ պետք է անեին: Ի դեպ, այդ մարմինները` իբրև իշխանության երրորդ ճյուղ, այդ առիթով են ստեղծված: Վերջիներիս առաքելության մեջ է մտնում նաև արդարադատության իրականացումը, այդ թվում նաև օրենքի ոչ պատշաճ կիրառման արդյունքում բացասական հետևանքները նվազեցնելը, առանձին դեպքում կանխելը: Այստեղ մենք բախվում ենք իշխանության երեք ճյուղերի միջև: Եթե խոսում ենք իրավական երկրի մասին, ուստի ճիշտ չէ այդ իրավունքի պահանջումն ու իրացումը վստահել ժողովրդին կամ որևէ իշխանական ուժի, որովհետև դրա համար գոյություն ունեն պետական մարմիններ, որոնք պետք է հաշվետու լինեն իրենց գործողության համար: Եթե որևէ իշխանական համակարգ` լինի կառավարություն, դատարան, թե օրենսդիր մարմին, սահմանադրությամբ և օրենքներով թույլ է տվել իրեն վերապահված լիազորությունների գերազանցում, հասարակությունը պարտավոր է անհանդուրժողական վերաբերմունք ցույց տալ, որը նույնպես պետք է սահմանդրության շրջանակներում լինի: Համենայն դեպս, Հայաստանի հանրապետության սահմանադրությունը երաշխավորում է ազատ կարծիքներ արտահայտել, հանրահավաքներ կազմակերպել: Ընդհանուր առմամբ, ես համակարծիք եմ գործընկերոջս հետ, բայց լրացուցիչ պարզաբանման կարիք կա: Խոսքը նրա մասին է, որ օրենքով ամրագրված է առանց սահմանափակումների օբյեկտի հեռացումը: Թե բարեգործական և թե ոչ առևտրային որևէ այլ կազմակերպություն օրենքի սահմաններում կարող է իրականացնել ձեռնարկատիրական գործունեություն, եթե նշում է վերջինիս տեսակը: Այս առումով Ազգային ժողովի դերակատարությունը պետք է մեծ լինի, որովհետև,մենք ոչ թե օրենքի կիրառման, այլ նրա ձևակերպումների մասին պետք է խոսենք: Այստեղ պահանջվում է ուժերի համախմբում` հանուն արդար նպատակի իրականացման: Ես կցանկանայի անդրադառնալ Ազգային ժողովի աշխատանքին: Մենք արդեն մեկ արտահերթ համատեղ նստաշրջան անցկացրել ենք: Թերևս այն հիմնավորումները, որոնք Ազգային ժողովում ներկայացվում են այս կամ այն օրենքն ընդունվելիս, շատ հաճախ կրում են մակերեսային բնույթ, քանի որ դրանց մեջ որևէ վերլուծություն չկա: Ավելին` շատ հաճախ օրենքի ձևակերպումները կիրառման ժամանակ հեռանում են այդ հիմնավորումներից: Այս ամենը գալիս է օրենսդրական բացից: Պետք է հասնել նրան, որ օրենսդրական դաշտի կարևոր կանոններից մեկը ներգրավվի օրենսդրության մշակման փուլ: Հակառակ դեպքում մենք մշտապես կունենանք Ազգային ժողովի կողմից ընդունված օրենքներ, որոնք իրական կյանքում կամ կգործեն  բովանդակության առումով իրենց նորմին համապատասխան` տառին առանց համապատասխանելու, կամ էլ կհամապատասխանի տառին` դուրս գալով բովանդակությունից:

Վարող- Չե՞ք կարծում, որ երկրում լավ օրենսդիրներ ունենալու համար իշխանության ձևավորած ցուցակում ներգրաված օրենսդիրները նույնպես լավը պետք է լինեն. ձեր իշխանական թևը զբաղեցնում է այս զանգվածի գրեթե 80 տոկոսը:

Արծվիկ Մինասյան /ՀՅԴ կուսակցության անդամ/
Դաշնակցությունը մի քանի անգամ հայտարարել է, որ մեզ կարող եք համարել և’ իշխանություն, և’ ընդդիմություն:

“ԱԼՄ” հ/ը- Դուք լավի համար պատասխանատու եք, իսկ վատի համար` ո՞չ :

Արծվիկ Մինասյան /ՀՅԴ կուսակցության անդամ/
Մենք և’ լավի համար ենք պատասխանատու, և’ վատի: Խնդիրը նրանում է, որ եթե մենք ունենք իշխանություն, ապա մշտապես իշխանության գործողությունները պետք է պաշտպանենք: Հակառակ դեպքում կնշանակի, որ լիարժեք իշխանություն չենք: Օրինակ` երբ մեծամասնություն կազմող քաղաքական ուժը ներկայացնում է մի նախագիծ` առանց համաձայնեցնելու ՀՅԴ- ի հետ, իսկ վերջինս հանդես է գալիս հակառակ մոտեցմամբ, ապա այդ դեպքում վերջինիս իշխանություն համարելը սխալ է: Թերևս քաղաքագիտության մեջ մեզ համարում են ձախ կենտրոնամետ, այսինքն` պետականամետությանը, իշխանամետությանը համարժեք, մշտապես ձախ կողմնորոշում պահպանող: Մենք ընդդիմություն ենք այնքանով, որքանով առանձին դեպքերում հանդես ենք գալիս որպես ընդդիմադիր կեցվածք ունեցող քաղաքական ուժ:

Վարող- Անցած անգամ մեզ հյուրընկալել էր դաշնակցական: Նրան հարցրեցին, թե այն, ինչ կատարվում է գյուղատնտեսությունում` թանկացում և այլն, դու՞ք եք պատասխանատու, քանի որ նախարարը ձերն է, թե՞ վաղը կարող եք ասել այսքանն էր մերը, ուստի պատասխանատու չենք: Դուք ի՞նչ կասեք այդ առիթով:

Արծվիկ Մինասյան /ՀՅԴ կուսակցության անդամ/
Գյուղատնտեսության նախարարը պատասխանատու չէ թանկացման համար: Գոյություն ունի սահմանադրությամբ ամրագրված նորմ, որտեղ նշված է, որ գնաճի պատասխանատվությունը կրում է կենտրոնական բանկը:

Վարող- Իսկ ավելի կոնկրետ` ինչի՞ համար է պատասխանատու ՀՅԴ-ն:

Արծվիկ Մինասյան /ՀՅԴ կուսակցության անդամ/
Ոլորտում քաղաքականության մշակման և ներդրման համար: Քաղաքականության մշակման պրոցեսում կամ այս ու այն ճյուղի զարգացման ընտրության հարցում  կարող եք ներկայացնել թե մեղադրանք, թե քննարկման հարցեր:

Վարող- Դաշնակցությունը մտայնություն չունի՞, առջևում նախագահական ըտրություններն են, իսկ եթե ԲՀԿ-ն կամ ՀՀԿ-ն հաղթի կարող է հետագայում շատ վատ վարվեն ՀՅԴ- ի հետ։

Արծվիկ Մինասյան /ՀՅԴ կուսակցության անդամ /
Նշեմ, որ ԲՀԿ-ն ու ՀՀԿ-ն կոալիցիոն հուշագրում ամրագրել են, որ հանդես են գալիս միասնական թեկնածուով։ Դա իրենց ամրագրած մոտեցումն է՝ ի տարբերություն ՀՅԴ-ի, իսկ վերջինս հայտարարել է, որ ունենալու է առանձին  թեկնածու, որի դաշնակ լինելն ամենևին պարտադիր չէ։ Եթե մենք մտածում ենք երկրի զարգացման մասին, ապա  պարտավոր ենք առաջարկել այլընտրանք։ Բացի այդ չենք կարող կրկին վերադառնալ մեկ անձի պաշտպանության ինստիտուտ։

Վարող- Բայց համաձայնեք, որ վերջին յոթ տարիներին հենց դա էլ կատարվում է։

Lragir.am – Դուք ասացիք, որ չպետք է վերադառնալ մեկ անձի պաշտպանության ինստիտուտի, սակայն Ղարաբաղում ՀՅԴ-ն Բակո Սահակյանին պաշտպանեց, ինչու՞։  Ղարաբաղում չի կարելի, իսկ Հայաստանում կարելի՞ է։

Արծվիկ Մինասյան /ՀՅԴ կուսակցության անդամ/
Ես նշեցի, որ Հայաստանում այդ ժամանակներն անցել են։ Իսկ Բակո Սահակյանին պաշտպանելու ՀՅԴ-ի որոշումը կապված էր Ղարաբաղի այսօրվա վիճակի, նաև ավելի կայուն մթնոլորտ ստեղծելու հետ։

”Ավանգարդ” շ/թ- Պարոն Մինասյան ինչպե՞ս եք բացատրում ՀՀԿ-ի հետ հնարավոր անհամաձայնության եզրեր ունենալու փաստը, որից խուսափելով՝ չկնքեցիք համաձայնագիր, չնայած, որ ձեր տեսակետները միշտ համընկել են նախագահի տեսակետների հետ` մասնավորապես ԼՂ նախագահի ընտրությունների և Ազատություն ռադեոկայանի հարցերում։

Արծվիկ Մինասյան /ՀՅԴ կուսակցության անդամ/
Նախ ասեմ, որ նախընտրական ծրագրային դրույթներում կա տարբերություն։ ՀՅԴ-ի հիմնական գաղափարախոսություններից մեկը սոցիալիստական է, որտեղ կենտրոնական տեղում մարդն է, իսկ պետությունն իր ամբողջական համակարգով պետք է պատասխանատվություն կրի անձի, կյանքի, արժանապատվության, աշխատանքի, նվազագույն սոցիալական երաշխիքների ապահովման համար։ Իսկ մյուս քաղաքական ուժերի մոտեցմամբ` պետությունը ոչ թե պետք է պատասխանատվություն կրի, այլ կարողանա կարգավորել տնտեսական, սոցիալական, քաղաքական հարաբերություններն այնպես, որ դրանք իրականացվեն։ Մենք չենք կարող ընդունել այդ մոտեցումները։ Ըստ մեզ՝ ինչքան էլ փորձենք բարձրացնել ազատության հարցը, եթե այս հարաբերություններում չենք կարողանում քաղաքացուն պաշտպանել, ապա նրանից չենք կարող ակնկալել արժանավայելություն:
Իսկ թե ինչու՞ է համընկնում ՀՅԴ-ի և նախագահի տեսանկյուններն այս կամ այն հարցում չեմ կարող ասել, բայց դա շատ լավ է, որովհետև նշանակում է, որ առաջնային մանդատով օժտված երկրի նախագահը և քաղաքական ուժը նույն ուղղությամբ և նույն ձևով են մտածում։ Իսկ հակառակ դեպքում, կնշանակի, որ և’ մեկը, և’ մյուսը տարբեր մտածելակերպ ունեն։ Թերևս հասարակությունն ավելի լավ գիտի, թե տեսակետներից որն է լավ իր համար։ Անդրադառնալով Ազատության ռադիոկայանի փակման հարցին, նշեմ, որ ինքս այն պատգամավորների շարքում եմ եղել, ովքեր կողմ են քվեարկել օրենսդրական նախաձեռնությանը, որն ի սկզբանե կապ չի ունեցել ռադիոկայանի հետ, այդ կապը ստեղծվեց հետագայում՝ առանձին լրատվամիջոցների շնորհիվ։

”Ավանգարդ” շ/թ – Երբ Դանիելյանը առաջին անգամ ներկայացրեց օրինագիծը, ասաց, որ այն կապված է ռադիոկայանի հետ։ Ապա ասաց, որ այս օրինագծով կփակվի ռադիոկայանը։ Մի՞թե հենց սկզբից էլ այն չի վերաբերվել ռադիոկայանին:

Արծվիկ Մինասյան /ՀՅԴ կուսակցության անդամ/
Իրականում ասվեց, որ կարող է վերաբերվի ռադիոկայանին, կարող է նաև հակառակը։ Եթե դուք ուշադիր հետևեիք օրենսդրական նախաձեռնությունների փաթեթին, որն իր մեջ ներառում է հեռուստատեսության և ռադիոյի, պետական տուրքի մասին օրենքի փոփոխությունները, ապա նկատած կլինեիք, որ տուրքը սահմանվում է ռադիոհեռարձակումների համար։ Հետագայում այդ տուրքը պետք է տարածվեր նաև հեռուստատեսության վրա։ Ես արտահայտեցի իմ այն դիրքորոշումը, որ հեռուստատեսության և ռադիոյի մասին օրենքի փոփոխությամբ պետք է ոչ թե արգելենք Հանրային հեռուստառադիոընկերությանը՝ տրամադրելու այս կամ այն հեռարձակման կապուղին, այլ սահմանենք հստակ չափորոշիչներ, որովհետև այն ունի սահմանադրությամբ նախատեսված լիազորություններ։

Վարող- Պարոն Մինասյան, ինչու՞ ձեզ չհաջողվեց հանրությանը և ընդդիմությանը համոզել, որ չփոխեն օրինագիծը։ Բացի այդ, «Ժառանգությանն» էլ մեղադրեցին հիստերիայի, շանտաժի և դրսի ուժ բերելու մեջ։

Արծվիկ Մինասյան /ՀՅԴ կուսակցության անդամ/
Մենք չէ, որ պետք է դատավոր կանգնենք ու բնութագրենք, թե Ժառանգությունն ինչպես պայքարեց այդ օրինագծի դեմ։ Այնուամենայնիվ, Պարոն Դանիելյանն օրինագծի առաջին զեկույցում հստակ նշեց, որ այն վերաբերվում է Ազատություն ռադիոկայանին։ Հետագայում Տիգրան Թորոսյանը փորձեց համոզել, որ դա այդպես չէ, սակայն այսօր ինքը հարցազրույցներում հակառակն է նշում։ Եթե ավելի խորանանք, տեղի է ունենում այն, որ խորհրդարանն իր աշխատանքը սկսեց բազմաթիվ խախտումներով։ Առաջին խախտումը կապված է օրինագծի ոչ միայն բովանդակության, այլև ընթացակարգի հետ: Աշխատանքային կանոնակարգման  օրենսգրքում արտահերթ խորհրդարանական նիստերի մասին հոդված կա, համաձայն որի օրինագծերն ինչպես ներկայացվում են նիստում, այնպես էլ ենթարկվում է քննարկման՝ առանց որևէ խախտման։ Իսկ ինչ վերաբերում է «Ժառանգության» պայքարին, ապա ազատությունը միշտ է լինելու վերջինիս ուշադրության կենտրոնում:

Վարող- Եթե «Ժառանգությունը» ժողովրդին տեր է, ապա Ազատություն ռադեոկայանի հարցում ինչու՞ էր անընդհատ դրսի մատնանշումներ անում։

Արմեն Մարտիրոսյան /»Ժառանգություն» կուսակցության անդամ/
Իսկ ո՞վ է ասում, որ մենք մատնանշումներ ենք անում։ Բարեբախտաբար ամբողջ ձայնագրությունները պահպանված են և բոլորն էլ կարող են ուսումնասիրել։ Դեպարտամենտի զեկույցը կատարվեց վերջին քվեարկության նախորդ օրը։ Իսկ պայքարը դեռևս դրանից մեկ շաբաթ առաջ էր սկսվել։ Ցանկացած դեպքում Հայաստանի հանրապետությունը միջազգային սուբյեկտ է, ուստի նրա վրա բազմաթիվ գործոններ կարող են ազդել։ Ի՞նչ է, մենք պետք է ներքին գործոնները թողած արտաքի՞նը քննարկենք։

”Ազատություն” ռ/կ– Պարոն Մինասյան, չեք կարծում, որ “Ազատության” նկլատմամբ ձեր մոտեցունը կարող է հակառակ անդրադարձ դառնալ Հայ դատի, ցեղասպանության համար թափած ձեր կուսակցության ջանքերին:

Արծվիկ Մինասյան /ՀՅԴ կուսակցության անդամ/
Ես թերևս պատիվ չեմ ունեցել դառնալ դաշնակցական, բայց այդ ուղղությամբ ձգտում կա, ավելին՝ իմ կողմից արդեն կոնկրետ քայլեր են ձեռնարկվում։ Ես կիսում եմ կուսակցության առաջնորդներից մեկի՝ Հրանտ Մարտերյանի արտահայտած միտքը, ըստ որի՝ դու ոչ թե քո վրա ես հույս դնում, այլ փորձում ես հույսը կառուցել այլ անձի օգնության, ողորմածության կամ օժանդակության վրա։

Վարող-ամբողջ տարվա ընթացքում հայ դատն աշխատում է ամերիկյան սենատորներին ոտքի կանգնեցնել, ձգտում է լոբինգ իրականացնել։ Այս ամբողջի համատեքստում Ազատություն ռադիոկայանի փակումն ինչպե՞ս եք պատկերացնում։

Արծվիկ Մինասյան /ՀՅԴ կուսակցության անդամ/
Ես չասացի, թե չի փակվում, այլ այն, որ ի սկզբանե այս օրենքի նախագիծը չէր վերաբերում ազատությանը։ Այն հետագայում դարձավ այդպիսին, ի դեպ, նաև լրագրողների, պատգամավորների շնորհիվ։ Սակայն պետք է հաշվի առնել ընդհանուր սկզբունքները և հայ դատը չհամեմատել Ազատություն ռադիոկայանի հետ, որովհետև առաջինը համահայկական պայքարի, նպատակների ամբողջություն է:

”Ազատություն” ռ/կ– Դուք վատ չե՞ք զգում, երբ Հայ դատում Ամերիկայի ողորմածությանն եք դիմում:

Արծվիկ Մինասյան /ՀՅԴ կուսակցության անդամ/
Դուք չափազանց սխալ եք ներկայացնում իրավիճակը` համարելով, որ մենք Ամերիկայի ողորմածությանն ենք դիմում: Համենայն դեպս, հայ դատը երբեք ողորմածություն չի խնդրում, փոխարենն աշխատում է, ունի կոնկրետ ծրագիր, իսկ երբ այս կամ այն կոնգրեսականի հետ է հանդիպում և լոբինգի աշխատանքներ է տանում, ապա դա միայն մեր երկրի նպատակներին ծառայելու համար է:

”Ազատություն” ռ/կ- Դուք չե՞ք մտածում, որ վաղ, թե ուշ այդ նույն կոնգրեսականը երեսով կտա և կցանկանա մեզ լոբինգ անել: Կամ վախ չկա՞, որ այդ նույն հաջողությամբ Ամերիկայի նման հզոր պետությունը կարող է երես թեքել մեզանից:

Արծվիկ Մինասյան /ՀՅԴ կուսակցության անդամ/
Եթե Ամերիկայի համար այս կամ այն հեռահարձակումն ապահովելը կարևոր է, ապա դրա համար գոյություն ունի միջպետական համաձայնագիր:Սովորաբար Ազատություն ռադիոկայանները փակվում են այն երկրներում, որտեղ ժողովրդավարությունն արդեն կայացած է:

Lragir.am-Ազատություն ռադիոկայանները փակվում են այն երկրներում, որտեղ բռնատիրություն է հաստատված, օրինակ` Ուզբեկստանում, Բելառուսիայում: Մի՞թե համամիտ չեք:

Արծվիկ Մինասյան /ՀՅԴ կուսակցության անդամ/
Դա այդպես չէ, որովհետև նույն Բելառուսիայում, Ուզբեկստանում Ազատություն ռադիոկայանը հեռարձակվում է: Թերևս շատ է լինում, երբ ինչ-որ խնդիր հարցադրումների միջոցով են փորձում պատկերացնել, դա նաև լրագրողների առանձնահատկությունն է, սակայն այդպես իրականության չես հասնի: ՀՅԴ-ն, խոսքի ազատությանը դեմ չլինելով հանդերձ, համամիտ է ժողովրդի կողմից ընտրված իշխանությունների հաստատած երկրի կանոնակարգմանը: Իսկ ինչու՞ առ այսօր Հանրային հեռուստառադիոընկերության խորհրդին չեն ստիպում պայմանագիր կնքել:

Արմեն Մարտիրոսյան /Ժառանգություն կուսակցության անդամ/
Պատճառն այն է, որ այդ հարցի արծարծումը հավասարազոր է պայծառ երկնքի տակ ամպրոպ առաջացնելուն: Իսկ եթե հարցը հասնի Հանրային հեռուստառադիոընկերության դեմ պայմանագրի առիթով պայքարելուն, ապա անկասկած «Ժառանգությունը» առաջինը ոտքի կկանգնի: Համենայն դեպս, այսօր բանակցություններն ուժի մեջ են, դրանցով իրավական երկու սուբյեկտներ են զբաղվում: Ըստ էության` Ժառանգությանը հաջողվեց ընդդիմադիր ընկերների հետ կասեցնել Ազատության ռադիոկայանի փակումը: Ի դեպ, կուսակցությունը մինչ խորհրդարան մտնելը, տիրոջ կարգավիճակով պայքարել է ցանկացած բացասական երևույթի դեմ և պայքարը շարունակելու է:

«ԱԼՄ» հ/ը– Դաշնակցությունը ծիրանի թանկացման համար պատասխանատու չէ, բայց կենսաթոշակների եռապատկման պատասխանատվությունը իր վրա դեռևս քարոզարշավների ժամանակ էր վերցրել, այն ուժի մեջ լինելու՞ է մինչև նոր կառավարության ձևավորումը:

Արծվիկ Մինասյան /ՀՅԴ կուսակցության անդամ/
Եթե դուք հիշում եք, ապա վերջինս միշտ ասում էր` եթե ունենա վստահության այնպիսի քվե, որ ինքը ձևավորի կառավարությունը, ապա մինչև 2012 թվականը պատասխանատու է լինելու իր հայտարարած յուրաքանչյուր խոստման համար: Այսօր ՀՅԴ-ն համագործակցում է կոալիցիոն ուժերի հետ, որոնց համար կենտրոնական տեղում է գտնվում սոցիալական ու ժողովրդագրական քաղաքականությունը: Կառավարության ծրագրում կա կենսաթոշակների և սոցիալական պաշտպանության ոլարտում գումարային աճի դրույթ: ՀՅԴ-ն առավելագույնին է ձգտում, իսկ այդ հնարավորությունը կա: Հասարակության կողմից վստահության քվե ստացած քաղաքական ուժերի հետ բանակցությունների արդյունքում մեր խումբն առավելն է արել:

ԱԼՄ” հ/ը – Իսկ այսօր կոնկրետ պատասխանատու չէ՞, քանի որ մեկ ամսվա կառավարություն չի կարող ձևավորվել:

Արծվիկ Մինասյան /ՀՅԴ կուսակցության անդամ/
Նախ յուրաքանչյուրը պետք է հստակ իմանա, թե ինչի համար է պատասխանատու: Երկու տարի փոխնախարար լինելով` ես հավաստիացնում եմ, որ որևէ նախարարություն ամբողջական ոլորտի պատասխանատվություն չի կրում, որովհետև նրա առջև դրված են հստակ խնդիրներ` մշակել քաղաքականություն, որը հաստատվում է կառավարությունում: Իսկ եթե դրանից բխելու են օրենքների նախագծեր, ապա դրանք ընդունվելու են միմիայն Ազգային ժողովում: Նույն հաջողությամբ դուք կարող եք հարցնել, թե Ազգային ժողովում բոլոր քաղաքական ուժերը պատասխանատվություն կրու՞մ են ցածր կենսաթոշակների համար: Մենք մեր խոստման համար այնքանով ենք պատասխանատու, որքանով որ կհաջողվի ստացած քվեին համարժեք բանակցություններ վարել:

Վարող- Առջևում նախագահական ընտրություններն են և բնականաբար «Ժառանգության» և ՀՅԴ-ի միջև պայքար կսկսվի: Ինչպե՞ս կգնահատեք յուրաքանչյուրդ ձեր հնարավորությունները: Բացի այդ, ըստ ձեզ ո՞ր կուսակցության հետ է հիմնականում պայքարը գնալու` ՀՅԴ-ի՞, «Ժառանգությա՞ն», թե`Հանրապետականի:

Արմեն Մարտիրոսյան /Ժառանգություն կուսակցության անդամ/
Մենք ոչ թե պայքարում ենք որևէ կուսակցության դեմ, այլ մեր առաջնորդ Րաֆֆի Հովհաննիսյանի թոկնածու  ընտրվելու համար: Վերջապես տասնհինգերորդ ընտրատարածքի ընտրողներին հնարավորություն է ընձեռվել նաև այլընտրանքային թեկնածու ունենալ և փորձելու ենք այնտեղ հնարավորինս արդար ընտրություններ կազմակերպել: Մինչ օրս այն տպավորությունն է ստեղծվել, թե քաղաքի և գյուղերի ընտրությունները տարբեր ձևերով են կազմակերպվում: Այս հարցում որոշակի ճշմարտություն կա, բայց այն, որ մարզերում կաշառքն ավելի շատ է, իսկ ադմինիստրատիվ ռեսուրսների օգտագործումը գրեթե հարյուր տոկոս, չի համապատասխանում իրականությանը: Մենք այնտեղ գնալու ենք իրական ընտրություն կազմակերպելու: Թե որքանով կհաջողվի, պարզ կդառնա օգոստոսի քսանվեցին:

Արծվիկ Մինասյան /ՀՅԴ կուսակցության անդամ/
Ես մեր մրցակիցների մասին դրական կարծիք ունեմ: Այս փուլում ՀՅԴ-ն, համեմատած նախորդի, առաջադրել է թեկնածություն: Նրա կողմից մեծ ռազմավարություն է Ազգային ժողովի ընդհանուր` համամասնական և մեծամասնական քվեարկության ժամանակ ձեռնպահ մնալը: Այսօր ՀՅԴ-ի համար խորհրդարանում իր մասնակցությունը մեկ ձայնով ավելացնելու հնարավորություն է ստեղծվել: Դա ՀՅԴ-ին 2008 թվականի նախագահական ընտրություններում այլընտրանքային թեկնածու առաջադրելու հնարավորություն է տալիս:

Վարող- Ասում են, թե Ժառանգության ակունքները գնում են դեպի ՀՅԴ: Ուստի հնարավո՞ր է, որ ընտրություններում ընդհանուր թեկնածու առաջադրեք:

Արմեն Մարտիրոսյան /Ժառանգություն կուսակցության անդամ/
Քաղաքականության մեջ ամեն ինչ հնարավոր է: Մենք շատ առաջ ենք ընկնում և խոսում ենք մի բանի մասին, որի վերաբերյալ դեռևս խոսակցություն չկա: Կգա օրը և ամեն ինչ պարզ կդառնա: Իսկ քաղաքականությունը նախատեսելով չեն իրականացնում:

Արծվիկ Մինասյան /ՀՅԴ կուսակցության անդամ/
ՀՅԴ-ն հայտարարել է, որ աշնանը գումարվելու է գերագույն ժողով, որի ժամանակ կընտրվի իր առաջադրած թեկնածուն: Համենայն դեպս, ՀՅԴ-ն երբեք չի ասել մի բան և արել հակառակը: Ես վստահ եմ, որ ՀՅԴ-ի որոշումը կընդունի հասարակության այն հատվածը, ով իր մեջ կրում է ազգայինը, սոցիալիստականը, ունի ժողովրդավարական ուղղվածություն:

Վարող- Այսինքն` հնարավոր է, որ թեկնածուն դաշնակցական չլինի՞ կամ էլ Րաֆֆի Հովհաննիսյա՞նը լինի:

Արծվիկ Մինասյան /ՀՅԴ կուսակցության անդամ/
Եկեք բացառման կամ հաստատաման մասին չխոսենք, որովհետև առաջիկայում սպասվելի է ամեն ինչ: Իսկ ինչ վերաբերվում է տասնհինգ ընտատարածքին, ապա ՀՅԴ-ի թեկնածուն` Գուրգեն Շահինյանը, այնքան արժանավոր է, որ կարող է օգտակար լինել կուսակցությանը խորհրդարանում և նրա բոլոր նախագծերի իրականացման մեջ:

“ԱԼՄ” հ/ը – Պարոն Մարտիրոսյան, դուք պատրաստ եք համագործակցել ընդդիմության հետ և ձեզ լիարժեք ընդդիմադիր ե՞ք համարում :

Արմեն Մարտիրոսյան /Ժառանգություն կուսակցութան անդամ/
Որևէ մեկը իրավունք չունի գնահատելու մեր ընդդիմադիր լինելու աստիճանը: Ժառանգություն կուսակցությունն իր գործունեությունն ունի, որով ցանկանում է ցույց տալ, թե ինչպիսի կուսակցություն է: Եկեք ընդունենք «ոչ ընդդիմություն լինելն է  շնորհք, ոչ էլ իշխանություն լինելը խարազանք» արտահայտությունը: Մեր կուսակցությունը միշտ ասել է, որ պատրաստ է համագործակցել ցանկացած կուսակցության, քաղաքական ուժի, հասարակական կազմակերպության հետ, որը նպատակ ունի Հայաստանի հանրապետությունը դարձնել զարգացած, հզոր երկիր:

Leave a comment