Սերժին թողեք իրա տեղը, իմ որդուն` իրա

(Աղբյուրը՝ «Ժամանակ»

Արտատպված է՝ Armtown.com)

– Գագիկ Ծառուկյանը ո՞վ ա էս երկրի համար… Եվ լկտիաբար թերթում գրում ա (Մեղվաբույծների միության նախագահ Թելման Նազարյանի մասին է խոսքը.-)` իմ 7500 մեղվաբույծները կտան իրենց ձայնը այն կուսակցությանը, որը զբաղվում ա մեղվաբուծությամբ: Այսինքն` ուզում ա ասի, ահազանգի այն մեղվաբույծներին, որոնք ինչ-որ ձեւով ուզում են «Բարգավաճին» ձայն տան` չտան, որովհետեւ մեղվաբուծությունը գնում ա դեպի անկում: Ես հիմա ձեզ ցույց կտամ, ես ակուրատնի, ամեն ինչը տեղը տեղին… Ես ոչ մի բան չունեմ կորցնելու: Էն համատարածի ժամանակ «Պրոլետարներ բոլոր երկրների, միացեք» էդպիսի լոզունգ կար, եւ տակն էլ գրած էր «Բոլշեւիկները ոչինչ չունեն կորցնելու, բացի իրենց ձեռքի շղթաներից»: Հիմա` Ծառուկյանները ոչի~նչ չունեն կորցնելու, բացի բամբասանքչի լկտիները: Մենք կայացած մարդ ենք, դառը վաստակով, քրտինքով, ստեղծել ենք, արարել ենք, եւ երեկ իմ թոռը` իրավաբանականի 4-րդ կուրսն ա, գերազանցիկ բացարձակ, ոսկե մեդալով էլ Անանիա Շիրակացու ճեմարանն է ավարտել, երեկ էս լկտի ակումբի ելույթը լսելուց հետո, Նիկոլ Փաշինյանն ասում էր` «Ժողովրդին դոդացրել են, դոդ են, եւ ասում ա սերժականացրել են…», այ բալամ, Սերժին թողեք իրա տեղը մնա, իմ որդուն թողեք իրա տեղը մնա, եւ էդքանից հետո էսօր որոշել էի գնայի էդ Արամ Աբրահամյանի մոտ, ասեի` «պրն Աբրահամյան, ես քեզ շատ հարգել եմ, դու խելացի, վերլուծող եւ լրագրող ես, եւ քաղաքականագետ, էս լկտիին դու հրավիրել ես իրա «Իփիչմեթա», ինչ զահրումարա բացում, դրա վերլուծությունը… թերթում գրել, որ Գագիկ Ծառուկյանի մայրը, ասում ա, կանգնեց մի քանի րոպե, հետո մտավ բնակարան իր հարգանքի տուրքը մատուցելու վարչապետին: Մի հատ էլ գրել ա Գագիկ Ծառուկյանը այնքան մեծ պսակ էր պատվիրել, մեջտեղն էլ, ասում ա, ոսկե խաչ էր դրած…

– Բայց իսկապե՞ս ոսկե խաչ եղել ա:

– Վայ, ցավդ տանեմ, էնտեղ հազարավոր պսակ կար, մեկը մեկից լավ…

– Թերթերում գրվեց, որ ԲՀԿ-ից մի կին տաքսիստին քշել էր տվել մինչեւ Ղափան, ու 80 հազար դրամ ճանապարհածախսը վճարելու փոխարեն ԲՀԿ անդամության վկայականն էր թողել` թե կգնաս ԲՀԿ-ից կստանաս փողը:

– Իմ տղան էդ մասին չգիտի, էս կմնա մեր մեջ, դուք էդ վկայականը բերեք տվեք ինձ:

– Ձեր որդին տեղյակ է, որովհետեւ թերթերը այդ մասին գրեցին, էդ գումարն էլ վճարել ու էդ կնոջը, մեր տեղեկություններով, կուսակցությունից հանել են:

– Դե, տեսնում եք… Ասում են Ծառուկյանը հսկա դղյակ է սարքել սարի գլխին, էլ չեն ասում, որ էդ հսկա դղյակի մեջ ընդամենը 6 հատ ննջասենյակ կա, որից մեկը իմն է, 5-ն էլ էրեխեքինը: Երկու հատ էլ զալ կա, մի հատ սենյակ էլ կա` էրեխեքը իջնում են մազերն են ֆենում, մանիկյուր են անում…

– Բա էն մնացած պարսպապատ տարածքում ի՞նչ կա:

– Մնացածը ուղղակի պարտեզ ա, այգի ա, ծիրան ա, խնձոր ա, դեղձ ա:

– Իսկ էն առյուծի մասին պատմությունները ճի՞շտ են: Ասում են` ով Ծառուկյանների մասին վատ է արտահայտվում, տանում եք գցում առյուծի վանդակը: Նույնիսկ ասում էին` էս վերջերս էլ էդ բախտին հանրապետական Արմեն Աշոտյանն ա արժանացել…

– Հա, գցում ենք, ժողովրդին սաղ կերել ա… Այ, էս մեր այգում, տոհմային 40 ձի ա պահվում, վայրի խոզեր, ջայլամներ: Իմ տղան ոնց որ կենդանաբանական այգու սիրահար լինի: Առյուծ կա, ոչ մեկը դեմ չի, որ առյուծ կա… Ես կուզեի, որ դուք իջնեք մեր գյուղի մեջ, մենակ քայլելով գայիք, խոսացնեիք, ասեիք` էս Ծառուկյանի մասին շատ բան են խոսում, որպես համագյուղացի ի՞նչ կարծիք ունեք էդ մարդու մասին: Հարցնեք` ճի՞շտ ա, որ առյուծի առաջ մարդ ա գցում: Եթե դուք կարդացած լինեիք մեր հայոց պատմությունը, կիմանայիք, որ բոլոր դարերում մենք ունեցել ենք ազգին ծախող դավաճաններ: Իմ որդին ուզում ա էս երկիրը շենացնի, բայց ինչո՞ւ, էդ էլ ասեմ, որովհետեւ առավոտ շուտ ես վեր եմ կենում` ես հանգիստ ֆերմա չեմ կարող գնալ, որովհետեւ ուզվորների, սակավ ապահովագրվածների ընտանիքները կանգնած են իմ դռան մոտ, ձեր ցավը տանեմ, բա մենք էլ ուզում ենք էտի վերացնենք, սխա՞լ ենք անում… Էէ~յ էն ահռելի պատը տեսնո՞ւմ ես, դա դարձյալ մի լեռ էր, մի քարքարոտ տարածք էր, որտեղ հող ա լցնում ու ծառ ա տնկում, բա դա առյուծի դեմ մարդ գցո՞ղ ա…

– Բա ինչի՞ եք պատ դնում, բաց թողեք` ժողովուրդը տեսնի` էլ չեն խոսի…

– Ժողովուրդը տեսնելու շատ բան ունի, բայց ձենները չեն կտրի… Ես ձեզ պիտի տանեմ էն բուժկետը, որտեղ 5000 հոգի բուժվում ա անվճար, եւ դուք կտեսնեք… Էդ Ծառուկյանի մասին ինչի՞ են էդքան վատ բաներ խոսում… Էդ նախանձն ա, բալիկ ջան… Ես հիմա ձեզ կներկայացնեմ իմ կատարած աշխատանքները…Ես ունեմ Նոյեմբերյանում զապիս արած 1 ժամ 20 րոպեանոց տեսաժապավեն, որը լրագրողները անընդհատ պտտացնում են, որպեսզի հասարակությունը իմանա` մեղվաբուծության ինչպիսի խելացի, կիրթ, գիտակ հենարան ունեն: 54 տարի ես աշխատում եմ գյուղատնտեսության մեջ, 13 գյուղնախարար եմ փոխել, ու բոլորի հետ աշխատել եմ, ու եղել եմ առաջնային իմ բանիմացությամբ, եւ հիմնականում իմ բնավորության գծերով, ես խաղաղ կին եմ, ես վատ բան չեմ սիրում: … Հա, էն որ ասում ա կեղծ դեղեր են բերում… Ուրեմն անցյալ տարի, գյուղատնտեսության նախարարի հրամանով ինձ թույլ են տվել մասնակցել մրցույթի գների կոմիտեում, ես շահել եմ 9 միլիոն փող անցյալ տարի: Էս էլ հանձնման-ընդունման ակտ` 21-ը ապրիլի 2006 թիվ, էս էլ անցած տարվա իմ գնած դեղերն ա… Եվ ես ձեզ ցույց կտամ լիցենզիաները, որ ես իրավականորեն իրավունք ունեմ դեղամիջոցներ ներկրել մեղվաբուծության վերաբերյալ: Մեզ մոտ ավել-պակաս բան չի լինում, մեզ մոտ բոլորը փաստաթղթերով ա: Ես թղթի մարդ եմ: …Պետությունը ինձ ոչ մի կոպեկ փող չի տալիս, ես աշխատում եմ ինքնուրույն, ես աշխատում եմ իմ որդու հովանավորության տակ, աշխատում եմ նրա ֆինանսների հաշվին: Եթե Ծառուկյան Գագիկը ինձ «գարանտ» չկանգներ, ես չէի կարա 1340 մեղվաընտանիք կազմակերպել եւ բաժանել 37 սահմանամերձ գյուղերի: … Եվ էսքանից հետո կանգնեն թերթերում գրեն, ով որ կանգնի մեղվաբույծների կողքը մեր կուսակցության ձայները նրան կտանք… տո, տո թքել եմ ձեր վրեն էլ, ձեր ձայների վրեն էլ, բա ձեր ձայները մեզ պե՞տք ա…Ոնց որ թե կուսակցությունը ձայն չտանի, Ծառուկյանը էդ որի՞ց պտի զրկվի:

– Իսկ մեղուները ինչ սկզբունքով են բաժանվում գյուղացիներին:

– Բայց դա ինձ ինչ ա վերաբերում: Ես տալիս եմ գյուղապետին, ասում եմ` ում ես տալու, անապահով խավ կա՞, մեղվաբույծ կա՞ գյուղում, որ օգնի պահեն… Ես մեղու եմ տարել Նոյեմբերյան, հիմա էլ 10 հատ տալու եմ Կոթի գյուղին, որովհետեւ որ տալիս եմ…Ես հո չեմ իմացել դա Վանոյի գյուղն ա, բայց որ պիտի գնամ կողքի գյուղը բաժանեմ, ու Վանոյի գյուղին ոչինչ չտամ` իմ ուղեղով չի անցել…Բաժանել-պրծել եմ, եկել եմ հյուրանոցում հաշիվ փակեմ, ինձանից հյուրանոցում փող չեն վերցնում, ասում եմ` ինչի չեք վերցնում, ասում են` ըտենց ա կարգադրված, ասում եմ` չհասկացանք, կարգադրվածը որն ա… Հետո իմանում եմ, որ իրա (Վանոյի.-) ախպոր տղաներն են, ինձ հարգելով, որ ժամանակին իմ ձեռից հաց են կերել… բաներ կա, որ չեք կարա…

– Կարող ա գյուղապետերն են ձեզ խաբում, մեղուները ում ուզում տալիս են` իրենց բարեկամներին եւ այլն… Դուք պիտի չաշխատե՞ք, որ այդ մեղուները տան այն մարդկանց, ում համար նախատեսված են…

– Էդ գյուղերի անունները ով որ գրում ա, դուք էդ մարդու հետ պիտի խոսեք, ես չգիտեմ ով ա գրում, ես պայմանագրով մենակ պարտավոր եմ մեղուն հասցնել գյուղապետին, իսկ թե նա ում կտա, դա արդեն իմ պազիցիան չի: Օրենքով դա իմ պազիցիան չի, դա բնության պահպանության նախարար Այվազյան Վարդանի պազիցիան է…

– Տիկին Ռոզա, բայց դուք ներքին կարգով կարող եք գյուղապետին խորհուրդ տալ, որ օբյեկտիվ բաժանի…

– Ցավդ տանեմ, Հանրապետականները անցյալ տարի ծյոծ Ռոզային գիշերվա ժամի 4-ին չէին թողնում, որ մտներ Պառավաքարի գրասենյակ` էս թղթերը տար… Վեր կացավ, ասաց` սա կառավարությունն ա անում, կարո՞ղ ա դու ես անում, խմած էր, ես բռնեցի թեւից, կարճ սարոչկա էր հագը, ասի` երիտասարդ, պարոն գյուղապետ, 15-րդ գյուղն եմ ես էսօր մտել, էն էլ գիշերով, քեզ նման անհարգանք մարդ չեմ տեսել, 74 տարեկան եմ` մի բաժակ թեյ, ջուր, հնարավոր չէ՞ր ինձ առաջարկեիք, քան թե ավել- պակաս խոսայիք: Անցյալ տարի ես մինչեւ Նոյեմբերյան, Իջեւան բաժանել եմ, կյանքիս կեսը գնացել ա, 2 անգամ խռովել-թողել եկել եմ` ճանապարհի կեսից մարզպետն ա հետ տարել` Հանրապետական կուսակցությունը չէր թողնում ես մեղուն բաժանեի: Իսկ էս տարի, փառք Աստծո, ընտրություններից հետո եմ բաժանելու, հեշտ կլինի արդեն… Ես փող եմ ուզել տամ, որ գինեկոլոգ պահեն` իրենց գյուղերում ծնելիությունը բարձրանա, Հանրապետականը չի թողել, ես էլ ձեն չհանեցի, ասի` ջհանդամը, չեմ փոխանցի, որ իրենց չի հետաքրքրում այս ազգի աճը…

– Բայց Հանրապետականը ինչի՞ պետք ա չթողներ…

– Բա «Բարգավաճի» մայրն եմ ես, էդ մոռացե՞լ ես…

[…]

– Ես վատ եմ զգում, ինձ ասում են զսպի, համբերի, բայց էլ չեմ կարողանում, չեմ դիմանում, եթե մարդը էսքան բարություն ա անում էս երկրի համար, ընչի՞ չեն ուզում ընդունեն: Գագիկ Ծառուկյանը մինչեւ հիմա հո քաղաքական կուսակցություն չունե՞ր, բայց էս իմ կատարածը 15-20 տարվա աշխատանք ա: Մեկը պտի լինի, որ ասի, այ ընկերներ ջան, էդպես չի կարելի, մեղք ա էդ կինը: Ես ինձ եմ ափսոսում ու իմ որդուն, հետո էլ դառնում ասում եմ` խի եմ ափսոսում, բոլորն էլ մեզ հարգում են, բոլորն էլ մեզ սիրում են, ասենք թե խեղճ Վազգեն Մանուկյանին մի սենյակ չեն տվել Ղափանում, բայց ես 45 սենյակ էի վերցրել, երբ գնացել էի մեղվաբույծների հետ հանդիպելու:

– Դե, Վազգեն Մանուկյանը իշխող կուսակցությանը հակառակորդ է:

– Դուք գիտեք ես իշխող կուսակցությանը հակառակորդ չե՞մ: Ոչինչ, կգա ժամանակը` ճտերը աշնանն են հաշվում, կիմանանք` ով ով ա, ես շատ եմ համբերում, շատ եմ կուլ տալիս…

– Տիկին Ծառուկյան, հիմա «Բարգավաճը» իշխանամե՞տ է, թե՞ ընդդիմադիր:

– Ցավդ տանեմ, մենք պետականամետ ենք: Իմ բառը կարող ես գրել թերթում` «մեր հարցին Ծառուկյան Ռոզան պատասխանեց` մենք պետականամետ ենք, եւ հայրենանվեր, ազգասեր ենք, ինչպես կուզեք ընդունեք: Ով եղավ իշխանության ղեկին, որ պետականություն պիտի վարի, մենք պարտավոր ենք նրա կողքը կանգնել, որ մեր ազգը, մեր պետությունը չգնա կորչի:

– Իսկ պրն Ծառուկյանը ոնց ա վերաբերվում էն խոսակցություններին, որ ասում են Ռոբերտ Քոչարյանը ստեղծեց «Բարգավաճը», որպեսզի ընտրությունների ժամանակ հուսալի հենարան ունենա:

– Հիմա ես ձեզ մի բան կասեմ. Քոչարյանը որ 2 անգամ նախագահ էր ընտրվում, կարո՞ղ ա պատահի էն ժամանակ Գագիկ Ծառուկյանը ինչ-որ ձայների տեր էր: Ասենք մենակ Առինջը 100 ձայն տվել ա Քոչարյանին, բայց Հայաստանում քանի հազար հատ Առինջ կա: Իմ որդուն հանգիստ չեն տալիս…

– Ինչի՞ բացեց էդ կուսակցությունը` իր համար հանգիստ թող ապրեր…

– Չէէ~, բայց մեկընդմիշտ ձեզ կասեմ, ես եղել եմ հասարակ, բանվոր գյուղատնտեսության նվիրյալ մարդու ժառանգ, իմ հայրը 42 տարի ղեկավար աշխատող է եղել Զով գյուղում, նրանից հետո ես եկել եմ էստեղ` իմ ամուսնու հայրը եղել ա առեւտրական, կուլակ ա եղել, հողեր ա ունեցել, նա եղել ա բիզնեսի նվիրյալ, իմ ամուսինը եղել ա էներգետիկ տեխնիկում ավարտած էլեկտրիկ տղա, որը աշխատել ա առաջին ռադիոկայմում, հետո 25 տարի աշխատել ա աղի հանքում, ստորգետնյա աշխատանքում, 50 տարեկանում նա անցել ա կենսաթոշակի, բայց մեկ ա, մինչեւ հիմա էլ քուն ու դադար չունի, 79 տարեկան է, բայց օր ու գիշեր աշխատում ա: Երեկ էլ պրոֆեսոր Մարմարյանը ինձ զանգել էր, որ շնորհավորի, որովհետեւ ինձ ընտրել են ակադեմիայի գիտական խորհրդի անդամ իմ պարգեւատրումից հետո, շնորհավորում եմ, ասաց, Ռոզա Լեւոնովնա, եւ հարցրեց` Նիկոլը ո՞նց ա, ասի` պրն Մարմարյան, Նիկոլը բա էս ժամին տանը կլինի՞, ասաց` էլի ժամը 6-ից աշխատանքի ա՞… Այո, իմ ամուսինը ժամը 6-ից աշխատանքի ա մինչեւ ժամը 7-8-ը, ուղղակի ինքը չի սիրում երեւալ, ու համամիտ էլ չի ոչ իմ, ոչ իմ որդու հետ:

-Ինչո՞ւմ համաձայն չի:

– Ասում ա` գլուխը կախ ձեր գործը արեք: Ասում է` ինչո՞ւ Գագիկը մտավ կուսակցության մեջ:

[…]

– Տիկին Ծառուկյան, ձեր ընդհանուր աշխատատեղերի քանակը ինչքա՞ն է:

– Իա, ասեմ, որ հարկայինը գա ասի հարկերը խի չես լրիվ ցույց տալի՞:

– Ինչքանը որ գրանցված է` այդքանը ասեք:

– 78 հոգի:

– Տիկին Ծառուկյան, բայց իսկապե՞ս հարկերը լրիվ ցույց չեք տալիս:

– Մի քիչ պահում ենք, մի քիչ ցույց չենք տալիս, մի քիչ տալիս ենք, բա ոնց…

– Դրա համար էլ ասում են, որ հարկերը թաքցնում եք, հետո ժողովրդին բարեգործություն անում դրանով:

– Շատ էլ լավ ենք անում, եթե էդքան բանը բաշարում ենք, ուրեմն ճիշտ ենք անում…

– Ինչո՞ւ չեք տալիս, որ պետությունը թոշակ տա, նպաստ տա…

– Տամ, որ գնան Մոնտե Կառլո՞… Չեմ տա… Ես տալիս եմ սոցիալապես անապահով խավին, տալիս եմ անվճար մանկապարտեզին, տալիս եմ անվճար բուժօգնություն…

Հարկերը – …Գագիկ Ծառուկյանը արդեն 19 տարի ա բարեգործություն ա անում, դուք ինչի՞ վրա եք եկել բան անում… Մենք մտածում ենք` ոնց արել ենք, ըտենց շարունակում ենք, ժողովուրդը ուզում ա` թող հավատա, չի ուզում, թող ըտենց ստրկատիրական լծի տակ տրաքի:

Advertisements
  1. Society’s Amnesia As Tsarukyan’s Amnesty » The Truth Must Be Told
  2. Ծառուկյանի ամնիստիան հասարակության ամնեզիան է » Respect Article 65

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: